Olatuen energiaren ustiapena, oraindik esplorazio-fasean dagoen esparrua da. Euskal kostaldearen potentzialtasun energetiko handiari eta balio-katean dauden gaitasunei erreparatuta, olatuen itsas-energia Euskadiren apustu estrategikoa bilakatu da.

Itsas-energiaren inguruko teknologiak eta garapenak esperimentatu eta probatzea xede duen BIMEP (Biscay Marine Energy Platform) deritzon azpiegitura Euskadin abiatu izanak bertako eskaintza zientifiko-teknologikoa garatzea ahalbidetu du, Euskadi olatu-energiaren nazioarteko erreferentzia bihurtuz.

Energia Klusterra industria-ehunaren sorkuntza bultzatzen ahalegintzen da, bihurgailuetako osagaiei nahiz itsas-parkeetako ekipo eta zerbitzu laguntzaileei dagokien teknologia propioa garatuz: energiaren ebakuazioa, potentziako elektronika, eragiketa eta mantentze-lanak, etab.